Home

ayo arang founder member

ᱥᱟᱯᱲᱮᱛ ᱥᱚᱠᱲᱟ

ᱥᱟᱯᱲᱮᱛ ᱥᱚᱠᱲᱟ

“ᱟᱭᱳ ᱟᱲᱟᱝ” ᱤᱼᱯᱟᱛᱷᱟᱢ ᱱᱚᱜᱼᱚᱭ ᱟᱯᱮ ᱠᱚ ᱥᱟᱢᱟᱝ ᱨᱮ ᱥᱟᱱᱟᱢ ᱠᱚ ᱞᱟᱹᱜᱤᱫ ᱵᱷᱟᱨᱚᱛ ᱡᱟᱠᱟᱛ ᱨᱤᱱ ᱧᱩᱛᱩᱢᱟᱱ ᱛᱤᱱᱤᱱ ᱛᱤᱨᱞᱟᱹ ᱠᱚᱣᱟᱜ ᱩᱨᱟᱹᱞ, ᱩᱭᱦᱟᱹᱨ ᱟᱨ ᱟᱹᱵᱤᱵᱷᱟᱹᱵᱤ ᱛᱮ ᱤᱛᱟᱹ ᱛᱚᱯᱟ ᱞᱮᱱ ᱦᱩᱲᱩ ᱫᱟᱨᱮ ᱞᱮᱠᱟ ᱱᱟᱶᱟ ᱥᱟᱹᱲᱤ ᱵᱟᱸᱫᱮ ᱠᱟᱛᱮ ᱞᱤᱵᱚᱭ ᱞᱚᱵᱚᱭ ᱮ ᱪᱷᱟᱯᱟ ᱯᱟᱨᱥᱟᱞ ᱠᱟᱛᱮ ᱱᱟᱶᱟ ᱢᱩᱴᱷᱟᱹᱱ ᱛᱮᱭ ᱥᱚᱫᱚᱨ
ᱮᱱᱟ ᱾
* ᱟᱯᱮᱭᱟᱜ ᱜᱚᱨᱚᱡᱽ ᱫᱩᱞᱟᱹᱲ, ᱫᱟᱭᱟ ᱫᱚᱨᱚᱫᱽ ᱟᱨ ᱥᱚᱦᱚᱫ ᱜᱚᱲᱚ ᱛᱮᱜᱮ ᱟᱜᱟᱢ ᱫᱤᱱ ᱨᱮ ᱜᱮᱞᱮᱵᱤᱞᱤᱜᱼᱟ ᱢᱮᱱᱛᱮ ᱟᱞᱮ “ᱟᱭᱳᱼᱟᱲᱟᱝ” ᱜᱷᱟᱨᱚᱸᱡᱽ ᱨᱤᱱ ᱢᱩᱬᱩᱛ ᱥᱚᱦᱮᱫ ᱠᱚᱣᱟᱜ ᱟᱸᱥ ᱾
* ᱱᱚᱶᱟ ᱜᱷᱟᱨᱚᱸᱡᱽ ᱨᱮ ᱛᱚᱸᱜᱮ ᱟᱠᱟᱱ ᱥᱟᱶᱛᱟ ᱫᱩᱞᱟᱹᱲᱤᱭᱟᱹ ᱟᱨ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱚ ᱵᱟᱹᱲᱛᱤ ᱠᱟᱛᱮ ᱥᱟᱨᱦᱟᱣ ᱧᱟᱢ ᱨᱤᱱ ᱦᱚᱠᱫᱟᱨ ᱫᱚ ᱾ ᱟᱠᱚᱣᱟᱜ ᱱᱟᱯᱟᱭ ᱵᱮᱣᱨᱟ ᱥᱟᱶᱛᱟ ᱨᱟᱱᱟᱠᱟᱵ ᱦᱚᱨ ᱨᱮ ᱮᱱᱮᱢ ᱫᱚᱲᱦᱚ ᱛᱟᱦᱮᱸᱱᱟ ᱢᱮᱱᱛᱮ ᱩᱭᱦᱟᱹᱨ ᱾
* ᱚᱞᱪᱤᱠᱤ ᱛᱮ ᱥᱟᱶᱦᱮᱫ ᱥᱟᱠᱟᱢ ᱥᱟᱡᱟᱣ ᱠᱟᱛᱮ ᱥᱟᱶᱛᱟ ᱩᱛᱷᱱᱟᱹᱣ ᱞᱟᱹᱜᱤᱫ ᱱᱚᱶᱟ ᱫᱚ ᱢᱤᱫ ᱨᱤᱠᱟᱹ ᱠᱟᱱᱟ ᱾ ᱡᱩᱜᱽ ᱥᱟᱶᱛᱮ ᱟᱹᱛᱩᱜ ᱠᱟᱱ ᱥᱚᱥᱱᱚᱜ, ᱥᱤᱥᱟᱹᱫᱽ ᱟᱨ ᱟᱹᱨᱤᱪᱟᱹᱞᱤ ᱚᱣᱟᱨ ᱨᱟᱠᱟᱵ ᱠᱟᱛᱮ ᱫᱩᱜ ᱫᱚᱦᱚᱭ ᱨᱮᱱᱟᱝ ᱦᱩᱫᱤᱥ ᱢᱚᱱᱮ ᱡᱤᱣᱤ ᱨᱮ ᱥᱟᱨᱥᱟᱣ ᱨᱟᱠᱟᱵ ᱮᱱᱛᱮ “ᱟᱭᱳᱼᱟᱲᱟᱝ” ᱥᱚᱠᱲᱟ ᱨᱮ ᱥᱟᱢᱴᱟᱣ ᱞᱟᱹᱜᱤᱫ ᱢᱤᱫ ᱨᱤᱦᱤᱴ ᱨᱤᱠᱟᱹ ᱾
ᱡᱟᱦᱟᱸ ᱡᱟᱹᱛᱤ ᱨᱮᱜᱮ ᱨᱚᱲ ᱟᱲᱟᱝ ᱟᱨ ᱥᱟᱶᱦᱮᱸᱫ ᱨᱮᱭᱟᱜ ᱵᱟᱹᱲᱛᱤ ᱠᱟᱹᱢᱤ ᱦᱩᱭ ᱟᱠᱟᱱᱟ, ᱚᱱᱟ ᱡᱟᱹᱛᱤ ᱜᱮ ᱟᱹᱰᱤ ᱵᱟᱹᱲᱛᱤ ᱛᱚᱨᱟᱫ ᱟᱠᱟᱱᱟ ᱟᱨ ᱡᱟᱦᱟᱸ ᱡᱟᱹᱛᱤ ᱨᱮᱱ ᱛᱤᱨᱞᱟᱹ ᱠᱩᱲᱤ ᱦᱚᱯᱚᱱ ᱠᱚ ᱥᱟᱶᱛᱟ ᱠᱟᱹᱢᱤ ᱨᱮ ᱡᱚᱲᱟᱣ ᱠᱟᱛᱮ ᱠᱚ ᱜᱚᱲᱚ ᱟᱠᱟᱱᱟ – ᱚᱱᱟ ᱡᱟᱹᱛᱤ ᱜᱮ ᱵᱟᱹᱲᱛᱤ ᱫᱚ ᱞᱟᱦᱟ ᱟᱠᱟᱱᱟ ᱾

ᱥᱟᱱᱛᱟᱲᱤ ᱥᱟᱶᱛᱟ, ᱥᱟᱶᱦᱮᱸᱫ ᱟᱨ ᱟᱹᱨᱤᱪᱟᱹᱞᱤ ᱞᱟᱦᱟᱱᱛᱤ ᱨᱮ ᱮᱯᱮᱨᱦᱮᱸᱰᱮ ᱟᱹᱰᱤ ᱢᱟᱨᱟᱝ ᱮᱴᱠᱮᱴᱚᱬᱮᱭ ᱥᱟᱢᱟᱝ ᱟᱠᱟᱣᱟᱫ ᱵᱚᱱᱟ ᱾ ᱢᱤᱫ ᱜᱮ ᱨᱚᱲ ᱠᱟᱱ ᱦᱚᱲ ᱠᱚ ᱨᱟᱡᱟᱹᱨᱤ ᱥᱤᱢᱟᱹ ᱛᱮ ᱯᱩᱱᱭᱟᱹ ᱯᱚᱱᱚᱛ ᱨᱮ ᱦᱟᱹᱴᱤᱧ ᱠᱟᱛᱮ ᱯᱩᱱᱭᱟᱹ ᱮᱴᱟᱜ ᱥᱟᱢᱜᱮ ᱯᱟᱹᱨᱥᱤ ᱛᱮ ᱚᱞᱚᱜ ᱯᱚᱲᱦᱚᱱ ᱠᱷᱟᱹᱛᱤᱨ ᱢᱤᱫᱴᱟᱹᱝ ᱪᱤᱠᱤ ᱵᱮᱵᱷᱟᱨ ᱟᱹᱰᱤ ᱜᱮ ᱞᱟᱹᱠᱛᱤᱜ ᱠᱟᱱᱟ – ᱟᱨ ᱚᱱᱟ ᱫᱚᱲ ᱛᱮᱜᱮ ᱡᱩᱢᱤᱫᱽ ᱡᱩᱲᱦᱟᱹᱣ ᱵᱚᱱ ᱠᱩᱨᱩᱢᱩᱴᱩᱭᱟ ᱢᱮᱱᱛᱮ ᱟᱨᱫᱟᱥ ᱞᱮ ᱪᱟᱞ ᱠᱮᱫᱼᱟ ᱾

* ᱟᱹᱰᱤ ᱦᱚᱲᱟᱜ ᱢᱚᱱᱚᱛ ᱟᱵᱚ ᱡᱟᱹᱛᱤᱭᱟᱹᱨᱤ ᱢᱩᱬᱩᱛ ᱫᱷᱟᱨᱟ ( National Mainstream ) ᱠᱷᱚᱱ ᱵᱚ ᱥᱟᱦᱟᱜ ᱠᱟᱱᱟ ᱟᱨ ᱡᱟᱹᱛᱤᱭᱟᱹᱨᱤ ᱛᱚᱱᱚᱞ ( National Integration ) ᱠᱷᱚᱱ ᱵᱚ ᱚᱪᱚᱜᱚᱜ ᱠᱟᱱᱟ ᱾ ᱵᱟᱝᱜᱮ ᱱᱚᱶᱟ ᱫᱚ ᱵᱷᱮᱣᱱᱟ ᱩᱭᱦᱟᱹᱨ ᱠᱟᱱᱟ ᱾ ᱟᱵᱚ ᱥᱟᱶᱛᱟ ᱨᱤᱱ ᱦᱚᱲ ᱯᱩᱱᱭᱟᱹ ᱯᱚᱱᱚᱛ ᱨᱮ ᱦᱟᱹᱴᱤᱧ ᱠᱟᱛᱮ ᱨᱮᱦᱚᱸ ᱢᱤᱫ ᱡᱟᱹᱛᱤ, ᱢᱤᱫ ᱞᱟᱭ ᱞᱟᱠᱪᱟᱨ ᱟᱨ ᱢᱤᱫ ᱜᱮ ᱟᱹᱨᱤᱪᱟᱹᱞᱤ ᱱᱤᱛ ᱦᱚᱸ ᱡᱤᱣᱤᱫ ᱢᱮᱱᱟᱜ ᱜᱮᱭᱟ ᱾

ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶᱦᱮᱸᱫ ᱥᱟᱶ ᱦᱚᱸ ᱱᱚᱶᱟ ᱡᱟᱸᱜᱮ ᱫᱟᱨᱟᱢ ᱜᱟᱛᱚᱜ ᱟᱠᱟᱱᱟ ᱾ ᱚᱱᱟ ᱢᱮᱱᱛᱮ ᱢᱤᱫ ᱯᱟᱹᱨᱥᱤ ᱞᱟᱹᱜᱤᱫ ᱢᱤᱫ ᱪᱤᱠᱤ ᱨᱮᱭᱟᱜ ᱵᱮᱵᱷᱟᱨ ᱜᱮ ᱟᱵᱚᱭ ᱡᱩᱢᱤᱫᱽ ᱫᱚᱦᱚ ᱫᱟᱲᱮ ᱭᱟᱵᱚᱱᱟ ᱾ ᱟᱨ ᱢᱤᱫ ᱱᱤᱯᱷᱚᱴ ᱥᱚᱥᱱᱚᱜ ᱜᱚᱭᱚᱱᱚᱜ ᱫᱟᱲᱮ ᱫᱚᱲᱦᱚᱜᱼᱟ ᱾

* ᱟᱜᱟᱢ ᱫᱤᱱ ᱨᱮ “ᱟᱭᱳᱼᱟᱲᱟᱝ” ᱞᱮᱛᱟᱲ ᱜᱮ ᱨᱤᱦᱤᱴ ᱟᱨ ᱥᱚᱨᱮᱥ ᱟᱲᱟᱝ ᱜᱚᱴᱟ ᱯᱟᱲᱟ ᱛᱟᱣᱟᱜ ᱛᱟᱨᱥᱮ ᱥᱟᱨᱥᱟᱣᱚᱜᱼᱟ ᱢᱮᱱᱛᱮ ᱟᱸᱥ ᱛᱟᱦᱮᱸ ᱮᱱᱟ ᱾
ᱡᱚᱦᱟᱨ!

ᱥᱟᱞᱦᱚ ᱥᱚᱨᱮᱱ
ᱨᱟᱣᱩᱨᱠᱮᱞᱟ, ᱳᱰᱤᱥᱟ ᱹ

***

ᱨᱚᱠᱟ ᱚᱱᱚᱞ

ᱦᱩᱞᱜᱟᱹᱨᱤᱭᱟᱹ ᱯᱷᱩᱞᱳᱼᱡᱷᱟᱱᱚ

᱑᱘᱕᱕ ᱥᱟᱞ ᱨᱮ ᱥᱮᱞᱮᱫ ᱞᱟᱹᱣᱲᱤᱭᱟᱹ, ᱢᱩᱨᱢᱩ ᱠᱚᱨᱮᱱ ᱦᱚᱯᱚᱱ ᱮᱨᱟ, ᱥᱤᱫᱩᱼᱠᱟᱹᱱᱦᱩ, ᱪᱟᱸᱫᱽᱼᱵᱷᱟᱭᱨᱚ, ᱯᱳᱱ ᱵᱚᱭᱦᱟ ᱨᱮᱱ ᱢᱤᱥᱨᱟ, ᱡᱟᱱᱟᱢ ᱞᱮᱱᱟᱠᱤᱱ ᱡᱷᱟᱨᱠᱷᱚᱸᱰ ᱨᱮᱭᱟᱜ, ᱵᱷᱟᱜᱚᱞᱯᱩᱨ …

Read More

ᱠᱟᱛᱷᱟ

ᱩᱱᱤ ᱢᱮᱱ ᱮᱫᱼᱟᱭ ᱚᱱᱟ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱤᱧ ᱨᱮ ᱤᱧᱤᱧ ᱢᱮᱱ ᱮᱫᱼᱟ ᱚᱱᱟ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱟᱢ ᱨᱮ …

Read More

ᱥᱟᱹᱜᱩᱱ ᱜᱩᱨᱩ ᱠᱩᱱᱟᱹᱢᱤ

ᱚᱞ ᱢᱮᱱᱟᱜ ᱛᱟᱢᱟ ᱟᱹᱫᱤᱢ ᱨᱚᱲ ᱢᱮᱱᱟᱜ ᱛᱟᱢ ᱟᱞᱚᱢ ᱟᱫᱚᱜᱼᱟ ᱟᱹᱫᱤᱢ ᱚᱞ ᱪᱤᱠᱤ ᱢᱮᱱᱟᱜ ᱛᱟᱢ ᱾ ᱚᱞ ᱪᱤᱠᱤ ᱟᱲᱟᱝ ᱡᱟᱱᱟᱢ ᱟᱲᱟᱝ …

Read More

ᱚᱞ ᱯᱟᱸᱡᱟ

ᱨᱚᱲ ᱵᱚᱱ ᱥᱮᱬᱟᱭ ᱢᱟ, ᱚᱞ ᱵᱚᱱ ᱥᱮᱬᱟᱭ ᱢᱟ ᱾ ᱟᱞᱚ ᱵᱚᱱ ᱵᱚᱛᱚᱨᱚᱜ ᱢᱟ, ᱟᱞᱚ ᱵᱚᱱ ᱞᱟᱡᱟᱣᱜ ᱢᱟ ᱾ ᱜᱩᱨᱩ ᱜᱚᱢᱠᱮ …

Read More

ᱫᱟᱨᱮ ᱥᱟᱠᱟᱢ ᱟᱜ ᱡᱤᱭᱚᱱ ᱠᱟᱹᱦᱱᱤ

ᱤᱧ ᱢᱟᱹᱧ ᱡᱟᱱᱟᱢ ᱞᱮᱱᱟ ᱡᱤᱭᱟᱹᱲ ᱦᱟᱹᱨᱭᱟᱹᱲ ᱜᱮ ᱵᱟᱞᱮ ᱨᱮ ᱢᱟᱹᱧ ᱧᱮᱞᱚᱜ ᱟᱨᱟᱜ ᱥᱟᱥᱟᱝ ᱞᱮᱜᱮᱡ ᱜᱮ ᱤᱧᱤᱧ ᱥᱟᱡᱟᱣ ᱫᱷᱟᱹᱨᱛᱤ ᱯᱩᱨᱤ ᱦᱟᱹᱨᱭᱟᱹᱲ …

Read More

ᱞᱚᱜ ᱠᱟᱱ

ᱞᱚᱜ ᱠᱟᱱ, ᱟᱛᱟᱨᱚᱜ ᱠᱟᱱ ᱫᱤᱥᱚᱢ ᱡᱟᱠᱟᱛ ᱵᱤᱨ ᱵᱩᱨᱩ ᱞᱚ ᱛᱚᱨᱚᱡᱚᱜ ᱠᱟᱱ ᱾ ᱫᱷᱟᱸᱲᱥᱟᱹᱣ ᱨᱚᱸᱜᱚᱜ ᱠᱟᱱ ᱵᱤᱨ ᱵᱩᱨᱩ ᱫᱟᱨᱮ ᱱᱟᱹᱬᱤ, ᱫᱟᱹᱲᱟᱜ …

Read More