ᱤᱧ ᱟᱭᱳ

ᱥᱮᱨᱢᱟ ᱠᱷᱚᱱ ᱦᱚᱸ ᱞᱟᱯᱷᱟᱝ
ᱫᱷᱟᱹᱨᱛᱤ ᱠᱷᱚᱱ ᱦᱚᱸ ᱢᱟᱨᱟᱝ
ᱫᱷᱚᱨᱚᱢ ᱯᱩᱛᱷᱤ ᱠᱷᱚᱱ ᱦᱚᱸ ᱵᱟᱨᱟᱝ,
ᱵᱟᱦᱟ ᱠᱷᱚᱱ ᱦᱚᱸ ᱱᱚᱨᱚᱢ
ᱟᱛᱟᱨ ᱛᱚᱨᱚᱡᱽ ᱮᱢ ᱵᱷᱚᱨᱚᱢ
ᱡᱚᱛᱚ ᱠᱷᱚᱱ ᱥᱚᱨᱮᱥ
ᱟᱢ ᱜᱮ ᱮᱭᱳ
ᱤᱧ ᱟᱭᱳ ᱿

ᱫᱩᱞᱟᱹᱲ ᱛᱮ ᱯᱮᱨᱮᱡ
ᱠᱩᱭᱞᱤ ᱟᱲᱟᱝ ᱪᱮᱨᱮᱡ
ᱵᱟᱹᱱᱩᱜ ᱫᱩᱞᱟᱹᱲ ᱨᱮ ᱮᱛᱟᱝ
ᱱᱤᱨᱢᱟᱭᱟ ᱨᱮ ᱛᱮᱛᱟᱝ
ᱫᱩᱞᱟᱹᱲ ᱨᱤᱱᱤᱡ ᱫᱩᱞᱟᱹᱲᱤᱭᱟᱹ
ᱢᱚᱱᱮ ᱢᱚᱦᱠᱟᱣ ᱥᱟᱫᱮᱨᱤᱭᱟᱹ
ᱤᱧ ᱟᱭᱳ ᱿

ᱟᱡᱟᱜ ᱵᱟᱹᱞᱤ ᱵᱟᱜᱟᱱ
ᱢᱚᱱᱮ ᱛᱩᱯᱤᱥᱟ ᱟᱠᱟᱱ
ᱥᱟᱹᱨᱤᱭᱟᱹᱛ ᱨᱤᱱᱤᱡ ᱢᱟᱱᱚᱛᱤᱭᱟᱹ
ᱩᱱᱤ ᱜᱮ ᱫᱷᱚᱨᱚᱢ ᱰᱟᱦᱟᱨ
ᱫᱟᱭᱟ ᱫᱩᱞᱟᱹᱲ ᱟᱦᱟᱨ
ᱮᱴᱟᱜ ᱠᱚ ᱨᱤᱱ ᱥᱚᱦᱚᱫᱤᱭᱟᱹ
ᱟᱡᱟᱜ ᱡᱤᱭᱚᱱ ᱫᱚ ᱩᱯᱟᱹᱥ
ᱱᱮᱢᱚᱥ ᱢᱮᱫ ᱨᱮ ᱜᱷᱟᱱᱮ
ᱥᱟᱨᱥᱟᱣ ᱟᱹᱧᱟᱭ ᱤᱧ ᱥᱟᱦᱟᱥ
ᱤᱧ ᱟᱭᱳ ᱾

ᱢᱮᱫ ᱫᱟᱜ ᱧᱩ ᱠᱟᱛᱮ
ᱠᱚᱲᱟᱢ ᱤᱧᱟᱜ ᱪᱤᱨᱟᱹ ᱠᱟᱛᱮ
ᱟᱡᱟᱜ ᱡᱟᱸᱜᱟᱧ ᱟᱹᱨᱩᱵ ᱥᱟᱯᱷᱟᱭ
ᱟᱡᱟᱜ ᱟᱞᱟᱭ ᱨᱮᱱᱟᱜ
ᱵᱟᱹᱱᱩᱜ ᱛᱩᱞᱟᱹᱡᱚᱠᱷᱟ
ᱫᱩᱞᱟᱹᱲ ᱨᱮᱱᱟᱜ ᱵᱟᱹᱱᱩᱜ ᱞᱮᱠᱷᱟ
ᱵᱟᱭ ᱵᱟᱰᱟᱭ ᱮᱨᱮᱲ
ᱟᱯᱚᱱ ᱛᱮ ᱥᱟᱱᱟᱢ ᱥᱟᱨᱮᱲ
ᱡᱚᱛᱚ ᱠᱷᱚᱱ ᱥᱚᱨᱮᱥ
ᱤᱧᱤᱡ ᱟᱭᱳ
ᱟᱢ ᱜᱮ ᱮᱭᱳ ᱿

***

About the author

ᱢᱟᱞᱚᱛᱤ ᱢᱩᱨᱢᱩ

ᱢᱟᱞᱚᱛᱤ ᱢᱩᱨᱢᱩ

ᱢᱟᱞᱚᱛᱤ ᱢᱩᱨᱢᱩ ᱫᱚ ᱢᱤᱫ ᱧᱩᱢ ᱦᱟᱞᱟᱝ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱡᱟᱱᱟᱢ ᱟᱹᱛᱩ ᱫᱤᱥᱚᱢ ᱫᱚ ᱫᱮᱣᱥᱚᱲ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ ᱯᱚᱱᱚᱛ ᱨᱮ ᱾

View all posts

Leave a Reply

Your email address will not be published. Required fields are marked *