ᱚᱠᱛᱚ

” ᱚᱠᱛᱚ ” ᱟᱢ ᱫᱚᱢ ᱚᱠᱟ ᱞᱮᱠᱟᱱᱟ
ᱚᱠᱟ ᱞᱮᱠᱟ ᱛᱟᱢ ᱢᱚᱦᱚᱨ ᱢᱩᱴᱷᱟ.ᱱ
ᱵᱟᱝ ᱮᱢ ᱧᱮᱞᱚᱜ ᱵᱟᱝ ᱮᱢ ᱥᱚᱫᱚᱨᱚᱜ
ᱚᱠᱟᱨᱮ ᱟᱢ ᱫᱚ ᱢᱮᱱᱟᱢ ᱾

ᱚᱠᱛᱚ ᱟᱢ ᱫᱚ ᱚᱠᱚᱭ ᱞᱟ.ᱜᱤᱫ ᱦᱚᱸ
ᱵᱟᱝ ᱜᱮᱢ ᱛᱟᱦᱮᱸᱱ ᱛᱟᱺᱜᱤ ᱨᱮ
ᱟᱢ ᱞᱟ.ᱜᱤᱫ ᱜᱮ ᱥᱟᱱᱟᱢ ᱦᱚᱲ ᱠᱚ
ᱛᱟᱦᱮᱸᱱᱟ ᱛᱟᱺᱜᱤ ᱛᱟᱬᱟᱜ ᱨᱮ ᱾

ᱵᱟᱝ ᱫᱚ ᱧᱮᱞᱚᱜ ᱨᱩᱯ ᱟᱢᱟᱜ
ᱵᱟᱝ ᱫᱚ ᱧᱮᱞᱚᱜ ᱨᱚᱝ ᱛᱟᱢ
ᱵᱟᱝ ᱫᱚ ᱜᱚᱲᱦᱚᱱ ᱵᱟᱝ ᱫᱚ ᱚᱲᱚᱝ
ᱵᱟᱝ ᱫᱚ ᱟᱸᱡᱚᱢᱚᱜ ᱨᱟᱦᱟ ᱟᱲᱟᱝ ᱾

ᱵᱟᱝ ᱮᱢ ᱨᱚᱲᱟ ᱵᱟᱝ ᱮᱢ ᱦᱚᱦᱚᱭᱟ
ᱛᱤᱥ ᱦᱚᱸ ᱵᱟᱝ ᱜᱮᱢ ᱫᱮᱞᱟ ᱦᱟᱞᱮ
ᱢᱮᱱᱠᱷᱟᱱ ᱚᱠᱛᱚ ᱟᱢᱜᱮ ᱫᱤᱱᱟ.ᱢ
ᱟ.ᱭᱩᱨ ᱟᱠᱟᱢ ᱟ.ᱭᱩᱨ ᱟᱠᱟᱫ ᱞᱮ ᱟᱞᱮ ᱾

ᱵᱟ.ᱱᱩᱜ ᱟᱱᱟ ᱞᱟᱸᱜᱟ ᱟᱢᱟᱜ
ᱵᱟ.ᱱᱩᱜᱼᱟ ᱡᱤᱨᱟ.ᱣ ᱦᱚᱸ ᱛᱟᱢ
ᱚᱠᱚᱭ ᱦᱚᱦᱚ ᱛᱮᱦᱚᱸ ᱵᱟᱢ ᱛᱤᱸᱜᱩᱱ
ᱞᱮᱛᱟᱲ ᱞᱟᱦᱟ ᱟᱠᱟ ᱜᱮ ᱢᱮᱱᱟᱢ ᱾

ᱚᱠᱛᱚ ᱟᱢᱟᱜ ᱱᱩᱱᱟ.ᱜ ᱫᱟᱲᱮ
ᱡᱟᱱᱟᱢ ᱠᱷᱚᱱᱟᱜ ᱜᱩᱡᱩᱜ ᱫᱷᱟ.ᱵᱤᱡ
ᱟᱢᱟᱜ ᱠᱚᱞᱮ ᱨᱮ ᱠᱚ ᱦᱟᱨᱟ ᱵᱩᱨᱩᱜ
ᱡᱚᱛᱚ ᱠᱚ ᱜᱮ ᱵᱩᱜᱤ ᱟᱨ ᱵᱟ.ᱲᱤᱡ ᱾

ᱟᱢ ᱥᱟᱶᱛᱮ ᱛᱟᱲᱟᱢ ᱞᱟ.ᱜᱤᱫ
ᱡᱟᱦᱟᱸᱭ ᱜᱮ ᱠᱚ ᱜᱟᱛᱮᱜ ᱨᱮ ᱦᱚᱸ
ᱵᱩᱜᱤ ᱵᱟ.ᱲᱤᱡ ᱠᱟ.ᱢᱤ ᱨᱮᱱᱟᱜ ᱫᱚ
ᱟᱢ ᱜᱮᱢ ᱥᱚᱝ ᱟ ᱠᱩᱲᱟ.ᱭ ᱦᱚᱸ ᱾

ᱵᱟ.ᱱᱩᱜ ᱛᱟᱢᱟ ᱵᱷᱮᱜᱮᱫ ᱟᱢᱟᱜ
ᱦᱩᱰᱤᱧ ᱢᱟᱨᱟᱝ ᱛᱟᱞᱟ ᱨᱮ
ᱚᱱᱟ ᱛᱮᱜᱮ ᱥᱟᱱᱟᱢ ᱠᱚ ᱜᱮ
ᱛᱟᱦᱮᱸᱱ ᱟᱠᱚ ᱟᱢ ᱥᱟᱶᱨᱮ ᱾

ᱵᱟᱢ ᱧᱮᱞᱚᱜᱼᱟ ᱢᱮᱫ ᱛᱮ
ᱵᱟᱢ ᱛᱟᱠᱮᱨᱚᱜ ᱞᱩᱛᱩᱨ ᱨᱮ
ᱮᱱ ᱦᱚᱸ ᱟᱢᱟᱜ ᱩᱢᱩᱞ ᱪᱷᱟᱯ ᱫᱚ
ᱵᱩᱡᱷᱟ.ᱣᱜᱼᱟ ᱢᱟ.ᱱᱢᱤ ᱡᱤᱭᱚᱱ ᱨᱮ ᱾᱾

***

About the author

ᱥᱤᱛᱟᱢᱚᱬᱤ ᱢᱟᱱᱰᱤ

ᱥᱤᱛᱟᱢᱚᱬᱤ ᱢᱟᱱᱰᱤ

ᱢᱟᱹᱱᱤᱡ ᱥᱤᱛᱟᱢᱚᱬᱤ ᱢᱟᱱᱰᱤ ᱫᱚ ᱢᱤᱫ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱟᱡᱟᱜ ᱡᱟᱱᱟᱢ ᱟᱹᱛᱩ ᱫᱤᱥᱚᱢ ᱫᱚ ᱡᱟᱢᱥᱮᱫᱽᱯᱩᱨ, ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱾ ᱱᱤᱛᱚᱜ ᱫᱚ ᱟᱡ ᱯᱩᱨᱩᱞᱤᱭᱟᱹ ᱯᱩᱪᱷᱤᱢ ᱵᱮᱝᱜᱚᱞ ᱨᱮᱭ ᱛᱟᱦᱮᱱᱸ ᱠᱟᱱᱟ ᱾

View all posts

Leave a Reply

Your email address will not be published. Required fields are marked *